大家好！想同大家分享吓我同我隻勞力士Air-King嘅故事。我今年35歲，五年前30歲嗰陣結咗婚，嗰時真是一個人生大日子！當時我唔太識錶，見到勞力士運動款隻隻都升值，完全無從入手！偏偏我嗰陣儲蓄唔多，但又好想買隻錶作為結婚嘅紀念，送畀自己一份大禮。
於是我上網做功課，搵到Air King係勞力士運動款入門之選，價錢相對親民，設計低調得嚟又有型，啱晒我呢啲新手。話晒係人生大事，點都要膽粗粗試一試！於是我行咗入AD，硬住頭皮同店員傾，佢哋好nice，幫我分析邊款啱我，最後我決定落名喺waiting list等Air King。等咗一排，係結婚大日子前1個月終於收到電話話有貨，嗰刻真係開心到飛起，時間啱啱好！

啱啱入手！

結婚大日子
呢隻Air King真係陪我走過好多人生片段。返工、開會、甚至出席一啲重要場合，我都戴住佢。佢唔單止係一隻錶，仲好似一個老友，記錄咗我嘅人生點滴。

每次低頭睇時間，都會諗起結婚嗰陣嘅甜蜜同奮鬥嘅日子。佢嘅設計簡約但有質感，無論係西裝look定casual都carry到，真係好實用！

有質感

五年過去，Air King依然係我嘅最愛。雖然而家市場上勞力士熱潮仲未退，但對我嚟講，呢隻錶嘅意義遠超佢嘅市場價值。係我嘅第一隻勞力士，亦係我同太太人生新階段嘅見證。你哋又有冇一隻錶有特別故事？同大家分享吓啦！

麻煩晒🙏